Shkup, 10 mars – Në mbledhjen e sotme Këshilli i Qytetit të Shkupit solli vendim për formimin e Shtabit të Qytetit për Mbrojtje dhe Shpëtim, komandant i të cilit sipas ligjit është kryetari i Qytetit të Shkupit.
Shtabi i Qytetit për Mbrojtje dhe Shpëtim i koordinon aktivitetet në sferën e mbrojtjes dhe shpëtimit të rajonit të tij, ndërsa komunat nga Qyteti i Shkupit janë të obliguara që të bashkëpunojnë dhe veprojnë sipas urdhrave të Qytetit të Shkupit.
“Në kuadër të kompetencës së tij Shtabi i Qytetit për Mbrojtje dhe Shpëtim formohet për koordinim të aktiviteteve për mbrojtje dhe shpëtim në rajonin e qytetit të Shkupit, në lidhje me fatkeqësitë natyrore dhe aksidente të tjera. Shtabi i Qytetit për Mbrojtje dhe Shpëtim do të koordinojë aktivitete dhe do të jetë i përgatitur që institucionalisht të veprojë në kushte të fatkeqësive natyrore dhe aksidente të tjera”, informojnë nga Qyteti i Shkupit.
Në kuadër të Shtabit të Qytetit për Mbrojtje dhe Shpëtim janë zgjedhur edhe kryes të punëve administrative dhe operative, me qëllim të përgatitjes së qytetit që të reagojë me kohë në interes të qytetarëve