Ndeshja e xhiros së 14-të në Albi Mall Superligën e Kosovës ndërmjet Llapit dhe Dritës zhvillohet të dielën në stadiumin “Zahir Pajaziti”.
Ndeshja fillimisht ishte paraparë të zhvillohet të shtunën, por në momentet e fundit Komisioni i garave I FFK-së ka vendosur për shtyrje të ndeshjes, shkruan Gazeta Olle.
Drita thotë se nuk ka pasur asnjë arsye për ta shtyer këtë ndeshje, dhe sipas tyre tregon mos seriozitet ndaj garave.
Reagimi i plotë nga FC Drita:
Shtyhet ndeshja për të dielën pa asnjë arsyje
FC DRITA shpreh shqetësimin sepse ndeshja e xhiros së 14-të e paraparë të zhvillohet të shtunën është shtyrë pa ndonjë arsyje për të dielën, 30 tetor.
Kur kishin mbetur më pak se 48 orë para ndeshjes KF Llapi – FC DRITA, vjen një njoftim në E-mail se ndeshja është shtyrë nga Komisioni i Garave të FFK-së pa dhënë ndonjë sqarim, ku dihet se ndryshimet e orareve bëhen vetëm në raste të veçanta gjë për të cilën komisioni nuk ka pasur arsyje në këtë rast .
Në anën tjetër, klubi ynë ka bërë të gjitha përgatitjet për zhvillimin e ndeshjes së paraparë për të shtunën dhe zhvendosje e ndryshime pa arsye tregojnë jo seriozitet ndaj garave.
Veprime të tilla nuk i bëjnë aspak nder futbollit kosovar, duke treguar mos rrespekt ndaj klubeve dhe vet Superligës së Kosovës.
/Gazeta Olle/