Kanë përfunduar dy sfidat e para të ditës së sotme në Albi Mall Superligën e Kosovës.
Ferizaj ka arritur të marrë pikën e dytë në kampionat, pasi ka ndalur në barazim Dritën 1-1.
Besnik Krasniqi kaloi gjilanasit në epërsi nga penalltia në minutën e 66-të për 0-1.
Ndërkohë 20 minuta më vonë, penallti fituan edhe vendasit kur Ilir Blakcori luajti me dorë në zonë.
I saktë nga pika e bardhë u tregua Egzon Shabani duke realizuar për 1-1.
Ndërkohë derbin rajonal e ka fituar Prishtina që ka mposhtur Llapin 1-2.
Kryeqytetasit kaluan në epërsi në minutën e 14-të kur Kreshnik Uka realizoi nga pika e bardhë për 0-1.
Endrit Krasniqi ngriti epërsinë e mysafirëve në 0-2 në minutën e 59-të, derisa golin e vetëm për Llapin e shënoi Trimror Selimi në minutën e 75-të. /Gazeta Olle/