Kanë përfunduar dy ndeshjet e sotme të cilat kanë filluar nga ora 15:00, në kuadër të xhiros së pestë të Albi Mall Superligës së Kosovës në futboll.
Gjilani ka shënuar fitore të rëndësishme prej 1-0 në udhëtim te Dukagjini në Klinë, shkruan Gazeta Olle.
Ndeshja në stadiumin “18 Qershori” u vendos me golin e pjesës së parë, të shënuar nga Theophilus Solomon, pas asistimint nga Islami.
Kuqebardhët me këtë fitore “blindojnë” pozitën e parë në tabelë, ku pas pesë ndeshjeve kanë katër fitore dhe një barazim.
Në anën tjetër, klinasit kanë të fituar vetëm një pikë në pesë ndeshjet e para kampionale, duke pësuar katër humbje.
Sa i përket duelit tjetër që u zhvillua në Skenderaj, Drenica dhe Ferizaj kanë ndarë pikët në një barazim pa gola.
Kuqezinjtë kanë mbledhur pesë pikë në pesë ndeshjet e para.
Në anën tjetër, Ferizaj mbetet ende pa fitore, por ka grumbullar tri pas tri barazimeve, ndërsa ka dhe dy humbje. /Gazeta Olle/
