Shkup, 1 janar – Zëvendësdrejtori i Drejtorisë doganore, z.Muarem Asani dhe Drejtori i Sektorit për përgjegjësi profesionale, sonte kanë realizuar vizitë pune në vendkalimin kufitar Tabanovc, ku patën rastin të takohen me Drejtuesin e Njësis doganore Kumanovë, shefin dhe doganierët e vendkalimit kufitar Tabanovc.
Zëvendësdrejtori Asani vizitën e shfrytëzoi për t’u informuar me punën e doganierëve gjatë natës së ndërrimit të viteve dhe për t’u shprehur përkrahje doganierëve të cilët në të kaluarën, në kohë të vështira, si dhe në ditë festash, kanë treguar nivel jashtëzakonisht të lartë në përkushtim dhe profesionalizëm.
Ai e shfrytëzoi këtë rast edhe para doganierëve për të theksuar angazhimin e tij për të qenë të përkushtuar në luftën kundër krimit dhe korrupsionit, ndërsa theksoi se faktori njerëzor është kyç në marrjen dhe zbatimin e masave efektive për luftën kundër korrupsionit.
