Krushevë, 4 mars – Në Krushevë sot është mbajtur takimi i parë koordinues në kuadër të projektit “Krushevë dhe Elbasan – destinacion turistik i njohur ndërkufitar” nga programi i bashkëpunimit ndërkufitar të Maqedonisë së Veriut dhe Shqipërisë.
Siç informojnë nga pushteti lokal i Krushevës, në takim është diskutuar për fazat fillestare dhe të mëvonshme të projektit. Planifikimi nisi me aktivitetet e ashtuquajtura “të buta”, si ngritja e kapaciteteve të sektorit të keteringut dhe projektet infrastrukturore që duhet të zbatohen nga të dyja palët.
Të ftuar nga Shqipëria, komuna e Elbasanit dhe OJQ “Tjetër Vizion”, së bashku me ALKA – Qendra për zhvillim të qëndrueshëm, si partnerë në projekt, i vizituan resortin e paraglajdingut dhe disa zona të tjera që janë qendra e zhvillimit të turizmit në Krushevë. Projekti do të zgjasë tre vjet.