Në ndeshjen e parë të Grupit të 3-të në Maind Round, e vlefshme për Evropianin 2023, Kombëtarja e Kosovës U19 ka pësuar humbje në ballafaqim me Kombëtaren U19 të Ukrainës, me rezultat 1:0.
Fati nuk ishte në anën e Dardanëve të rinj ngase humbja erdhi në sekondat e fundit apo më saktë në minutën e 5-të të lojës shtesë.
Pjesa e parë e ndeshjes u përmbyllë pa gola dhe secila kombëtare arriti të krijojë disa gjysëmraste, por jo edhe sa të rrezikoheshin seriozisht të dyja portat.
Pjesa e dytë nisi furishëm nga të dyja palët. Ukrainasit ishin më të rrezikshëm, por Dardanët u treguan të fortë dhe të përqendruan sidomos në fazën e mbrojtjes dhe nuk u lejuan shumë hapësira ukrainaseve.
Kur të gjithën menduan se ndeshja do të përfundojë pa gola dhe kur gjyqtari dha 4 minuta lojë shtesë, në sekonda e fundit të minutës së 5-të Yamoliuk u kujdes për fitoren e Ukrainës.
Menjeherë pas shënimit të golit pa arritur të niset loja nga mesi gjyqtari dha shenjë për përfundimin e ndeshjes. Dardanët U19 të dielën, më 20 nëntor takohen me Suedinë në orën 18.30 në të njëjtin stadium.
Deklaroi pas ndeshjes:
Ramiz Krasniqi, përzgjedhës: Humbja në çastet e fundit është e dhimbshme, por ky është futbolli. Kemi qenë të vetëdijshëm se Ukraina është një kundërshtar i fortë. I përgëzoj djemtë për një angazhim maksimal, disiplinë dhe karakter të fortë. Ne nuk do të dorëzohemi në asnjë mënyrë. I kemi edhe dy ndeshje dhe do të kërkojmë më të mirën e mundshme. Është e qartë se kërkohet fitore dhe ne synojmë të fitojmë ndonëse nuk është aspak e lehtë.