Futbollisti Mariano Ondo, përfaqësues i Guinesë Ekuatoriale dhe ish-futbollist i Shkupit, ka humbur jetën të mërkurën në stërvitjen e kombëtares së tij në moshën 23-vjeçare, njoftojnë mediat e huaja.
Ondo po qëndronte në atdheun e tij dhe po stërvitej ndërsa priste dokumentet e nevojshme për t’u transferuar në Spanjë, me skuadrën e kategorisë së tretë Rapid de Bouzas, kur u rrëzua në stërvitje.
Siç raportojnë mediat spanjolle, futbollisti nuk po ndihej mirë në fund të stërvitjes dhe u rrëzua. Ai u dërgua me urgjencë në spital, por vetëm mund ta konstatonin vdekjen.
