Tetovë, 26 gusht – Sektori i Punëve të Brendshme Tetovë deri te Prokuroria Themelore Publike Tetovë, parashtroi kallëzim penal kundër B.A. (35) nga Shkupi dhe R.Z. (22) nga Tetova për shkak të ekzistimit të dyshimit të bazuar se kanë kryer shtatë vepra penale “mashtrim”.
Siç informon MPB-ja, të dy dyshohen se në periudhën nga shkurti deri në maj të këtij viti kanë mashtruar shtatë persona nga Tetova, fshatrat e Tetovës Reçicë e Vogël, Zhelinë, Palçishtë i Poshtëm, Pirok, Shipkovicë dhe të fshatit Bojanë të Shkupit.
Në këtë periudhë, më së shpeshti përmes thirrjeve telefonike B.A. iu është paraqitur të mashtruarëve dhe iu ka porositur mobilje, iu ka shitur hekur të vjetër, iu ka afruar shërbime artizanale, ka kërkuar nga ata të blejnë prodhime teknike, ka kërkuar të holla për shërimin e personave të sëmurë dhe tjetër.
I denoncuari i parë, pastaj e ka angazhuar R.Z. të e merr pagesën në të holla, poashtu duke iu plasuar të dëmtuarve tregime të ndryshme.