Lufta që po bën Rusia në Ukrainë do të zgjasë edhe “shumë muaj”, vlerësoi sot sekretari shtetëror amerikan, Entoni Blinken.
“Kjo mund të përfundojë nesër nëse Rusia ndal agresionin e saj, por ne nuk shohim asnjë shenjë për këtë në këtë fazë – ne ende shohim një konflikt që do të zgjasë për shumë muaj,” tha Blinken në një konferencë të përbashkët shtypi me Sekretarin e Përgjithshëm të NATO-s. Jens Stoltenberg në Uashington.
“Ndërsa (lufta) po vazhdon, ne duam të sigurojmë që Ukraina të ketë atë që i duhet për të mbrojtur dhe ne duam të sigurohemi që Rusia të ndjejë presion të fortë nga numri maksimal i vendeve,” shtoi Bliken.
Sekretari amerikan shtetëror tha se Ukraina i kishte dhënë “garanci” SHBA-së për të siguruar që sistemet e reja raketore të premtuara nga Uashingtoni nuk do të përdoren për qëllime ruse.
“Rusia po sulmon Ukrainën, jo anasjelltas. Le të jemi të qartë: mënyra më e mirë për të shmangur përshkallëzimin është që Rusia t’i japë fund agresionit të saj dhe luftës që ka nisur, u tha Blinken gazetarëve në përgjigje të kritikave të Moskës për dërgesën e re amerikane të armëve në Ukrainë.