Futbollisti i Marseille, Bamba Dieng, pati një natë të gjatë dhe të lodhshme mbrëmë.
Lojtari ndërroi dy klube dhe në fund nuk u transferua askund.
Sulmuesi fillimisht arriti marrëveshje me Leeds United për një transferim në Angli. Me t’u arrirë edhe akordi në mes të klubeve, ai niset për testet mjekësore atje, por në momentet e fundit ndryshon mendje.
Disa orë para mbylljes se merkatos, Nice kontakton lojtarin i cili tundohet nga oferta e francezëve dhe kthehet në Francë.
Atje i ndodh ajo që e priste më së paku. Lojtarit i dështojnë testet mjekësore dhe i duhet të kthehet te Marseille, pasi s’arriti të gjejë skuadër tjetër.
