Agjencia Zhurnal.mk.

Zyrtarja e OKB-së kërkon ta vizitojë këtë vit Ksinjiangun në Kinë

Shefja për të drejtat e njeriut e Kombeve të Bashkuara, Michelle Bachelet, ka shprehur shpresën se do t’i mundësohet të vizitojë rajonin e Ksinjiangut në Kinë, gjatë këtij viti.

 

Ajo tha se shpreson që vizita e mundshme t’i ofrojë asaj qasje për të parë gjendjen pas “raporteve të vazhdueshme të shkeljeve serioze të të drejtave të njeriut”.

Bachelet i bëri komentet në Këshillin e të Drejtave të Njeriut të Kombeve të Bashkuara në Gjenevë më 21 qershor.

Ka kohë që Kina po përballet me kritika ndërkombëtare për trajtimin e ujgurëve dhe pakicave tjera kryesisht myslimane në Ksinjiang.

Shtetet e Bashkuara e kanë përdorur termin gjenocid në përshkrimin e ngjarjeve atje.

Kjo është hera e parë që zyrtarja e të drejtave të njeriut e Kombeve të Bashkuara përcaktoi një afat kohor për vizitën e saj të mundshme.

Zyra e saj ka negociuar kushtet e vizitës me autoritetet kineze që nga viti 2018.

“Unë vazhdoj të diskutoj me Kinën për modalitetet e vizitës dhe shpresoj se kjo mund të arrihet këtë vit”, tha ajo.

Sipas Kombeve të Bashkuara të paktën 1 milion pjesëtarë të këtyre grupeve etnike janë arrestuar dhe janë dërguar në qendra të mbajtjes.

Kina thotë se ato janë “qendra kundër-ekstremizmit” dhe shërbejnë si objekte të “arsimit profesional” që synojnë të ndihmojnë njerëzit të largohen nga terrorizmi dhe t’i lejojnë ata të riintegrohen në shoqëri.

Por, komuniteti ndërkombëtar ka thënë se në ato kampe këta njerëz bëjnë “punë të detyruar” dhe trajtohen në mënyrë çnjerëzore./REL

Related posts

BE e shqetësuar për ngjarjet në Mal të Zi

D V

Miliona persona u kthyen në milionerë gjatë pandemisë

Redaksia

Pamje dramatike nga Franca, moti i ligë paralizon trafikun hekurudhor dhe atë rrugor – një punonjës e godet rrufeja dhe një tjetër zhduket

D V

This website uses cookies to improve your experience. We'll assume you're ok with this, but you can opt-out if you wish. Accept Read More