Agjencia Zhurnal.mk.

Zyrtare: Prishtina prezanton transferimin e dytë, nënshkruan me Pefqelin

 

FC Prishtina dhe futbollisti Mërgim Pefqeli e kanë gjetur gjuhën e përbashkët për të nënshkruar kontratë të re dy-vjeçare.

Prishtina dhe Pefqeli janë “dashuri e vjetër” pasi që mesfushori-sulmues edhe më herët ka qenë pjesë e skuadrës nga kryqyteti ku i numëron 75 paraqitje në fanellën “bardhekaltër” teksa i ka realizuar 12 gola.

Pefqeli në edicionin e fundit ishte pjesë e FC Malishevës me ç’rast tregoi paraqitje të kënaqshme duke dhënë kontribut të madh për sigurimin e një “bilete” të këtij ekipi për Superligë edhe për edicionin e ardhshëm.

28-vjeçari gjatë karrierës së tij është aktivizuar edhe për Llapin, Trepçën ’89, Trepçën, Hajvalinë e Fushë Kosovën.

Gjatë ditës së sotme, FC Prishtina ka prezatuar edhe transferimin tjetër, Endeit Bahollin, teksa në vazhdim priten edhe prezantimet e tjera.

Pefqeli pas nënshkrimit të kontratës ka folur për faqen zyrtare të klubit.

🎤𝐑𝐢𝐤𝐭𝐡𝐢𝐦𝐢𝐭 𝐭𝐞 𝐏𝐫𝐢𝐬𝐡𝐭𝐢𝐧𝐚 – Fakti që jam fëmijë i këtij klubi dhe kontaktet me trajnerin Ismet Munishi, nuk më kanë bërë që të mendoj shumë për rikthimin te skuadra amë. Bartja e fanellës së Prishtinës përveç se është privilegj dhe krenari e madhe, në vete bartë përgjegjësinë e arritjes së rezultateve kulminante, pra trofeve.

🎤𝐏𝐫𝐞𝐭𝐞𝐧𝐝𝐢𝐦𝐞𝐭 – Synimet me Prishtinën janë që të rikthehemi bashkërisht te titulli kampion si dhe garat evropiane. Prishtina e ka vendin aty përgjithmonë.

🎤𝐋𝐢𝐝𝐡𝐣𝐚 𝐦𝐞 𝐭𝐢𝐟𝐨𝐳𝐞̈𝐭 – Tifozëve besnik të Prishtinës, “Plisave” si gjithmonë ju premtoj angazhim maksimal dhe dhënien e atomit të fundit për ngjyrat “bardhekaltër”. Bashkë me shokët e skuadrës do të bëjmë që të mburren me sukseset tona të përbashkëta. Hajde Prishtinë.

/Gazeta Olle/

 

Related posts

Maqedoni, Nevzati thotë se është sezonale dhe nuk ka vend për panik

D V

Presidenti Stevo Pendarovski anulon të gjitha ngjarjet për shkak të tragjedisë në Tetovë

N E

Maqedonia e Veriut ka rregullativë shumë të mirë për mbrojtje të të dhënave personale, por kyçe është zbatimi i saj

D V

This website uses cookies to improve your experience. We'll assume you're ok with this, but you can opt-out if you wish. Accept Read More