Real Madrid ka njoftuar nënshkrimin e tyre të parë këtë verë, duke rikthyer në klub mbrojtësin e majtë Fran Garcia tre sezone pas largimit për në Rayo Vallecano.
Transferimi ishte konfirmuar nga presidenti i Vallecanos, Raul Martin Presa dhe Carlo Ancelotti në muajt e fundit, me një marrëveshje të raportuar fillimisht në shkurt, ndërsa tani u konfirmua nga faqja zyrtare e Los Blancos.
“Real Madrid CF dhe Rayo Vallecano kanë rënë dakord për transferimin e lojtarit Fran Garcia, i cili do të jetë me klubin për katër sezonet e ardhshme”, thuhet në njoftim.
23-vjeçari erdhi nga akademia e Real Madridit, por u transferua në Rayo në fillim si huazim, dhe më pas për dy milionë euro në vitin 2021.
Në tre vitet e tij në Vallecano, ai ka fituar një reputacion si një nga mbrojtësit më të mirë të majtë në ligë, duke bërë 122 paraqitje, duke shënuar 5 herë dhe duke asistuar 8 herë.
Ai ka nënshkruar një kontratë katërvjeçare me Real Madridin, në një marrëveshje që besohet të jetë me vlerë pesë milionë euro.
Klauzola e tij e lirimit ishte vendosur në 10 milionë euro, por Real Madridi mbajti 50 për qind të kartonit të tij të shitjes, duke përgjysmuar kështu koston për ta.
Të hënën, më 12 qershor, në orën 12:00 në Real Madrid City, Fran Garcia do të prezantohet si lojtar i ri i Real Madridit, ndërsa më pas do të dalë para mediave.
