Arsenali ka kompletuar transferimin e portierit anglez Aaron Ramsdale.
Portieri anglez është bashkuar me skuadrën londineze nga Sheffield United.
23-vjeçari është bashkuar me Topçinjtë për 24 milionë funte, plus gjashtë milionë të tjera në formë bonusesh.
Detajet e kontratës nuk janë zbuluar, por besohet se portieri ka nënshkruar një kontratë pesë vjeçare me klubin londinez.
Ramsdale do ta bartë fanellën me numër 32 tek skuadra e re.
Portieri anglez ka bërë karrierë edhe te Bournemouth dhe Sheffield United së fundmi, ku falë paraqitjeve të mira u bë edhe pjesë e Kombëtares së Anglisë.
Megjithatë deri më tani 23-vjeçari ende nuk ka debutuar me ‘Tre Luanët’.
Reprezentuesi anglez ka kryer edhe stërvitjen e parë me Topçinjtë, derisa është i gatshëm për ndeshjen e së dielës ndaj Chelseat.