Agjencia Zhurnal.mk.

Zjarri dyshohet se nisi tek njehsorët elektrik, policia jep detaje nga djegia e ndërtesës në Ferizaj ku u lënduan 10 persona

Dhjetë persona janë lënduar të dielën, pasi zjarri ka përfshirë një ndërtesë kolektive.

Zëdhënësi i Policisë së Kosovës për Rajonin e Ferizajt, Kanun Veseli ka thënë për Telegrafin se rasti ka ndodhur rreth orës 22:28, ndërsa dyshohet se ka pasur problem me njehsorët elektrik.

“Me datë 11.02.2024 rreth orës 22:28 kemi pranuar një informatë se në rrugën “Dëshmorët e Kombit” në Ferizaj tek një objekt banesor është një incident zjarri. Ekipe të policisë, zjarrfikësit dhe ekipe të emergjencave kanë dalë në vendin e ngjarjes. Për pasojë e këtij incidenti të zjarrit, ndihmë mjekësore në Qendrën Emergjente kanë kërkuar 10 persona, ndërsa prej tyre 5 persona për tretman të mëtutjeshëm janë transportuar në QKUK -Prishtinë”, theksoi ai.

Më tej, Veseli deklaroi se policia i ka marrë të gjitha masat e nevojshme, duke i evakuar banorët për shkak të tymit të krijuar.

“Zjarri dyshohet se ka filluar tek njehsorët elektrik të kësaj ndërtese, ndërsa janë njoftuar edhe ekipe të KEDS të cilët kanë dalë gjithashtu në vendin e ngjarjes”, u shpreh tutje ai.

Veseli theksoi se tashmë Njësia e Hetimeve në koordinim me prokurorin kujdestar ka filluar hetimet se si ka ardhur deri te ky incident.

Related posts

Rrahje mes mjekeve në spitalin e Manastirit

Xh M

Shkatërrohet grupi kriminel, arrestohen 10 persona

Xh M

Arrestohet një person nga Kosova me patentë shoferi italian të falsifikuar

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy