Shkup, 6 janar – Kryeministri në dorëheqje, Zoran Zaev e uroi Buzmin dhe dëshiroi që festa pararendëse e Lindjes së Krishtit, e cila tradicionalisht festohet në familje, të kalojë në dashuri, gëzim, mirëqenie dhe tolerancë.
“Vlerat familjare, ngrohtësia dhe respekti le të përhapen dhe barten mes të gjithë qytetarët. Të mendojmë dhe t’u ndihmojmë të gjithë njerëzve, edhe atyre të cilët në periudhën e kaluar humbën ndonjë të afërm apo përballen me vështirësi. T’i hapim zemrat për mirësi, mirëkuptim dhe harmoni. Në, paqe, qetësi, bashkësi dhe shpresë, ta presim lajmin për lindjen e Jezu Krishtit. Urime Buzmi!”, shkroi Zaev në profilin e tij në Fejsbuk.
Buzmin e ka uruar edhe kryetari i VMRO-DPMNE-së, Hrisitjan Mickoski.
“Në momente të tilla është e rëndësishme të jemi të bashkuar, me mendim të ndershëm dhe me vepra të mira, vetëm kështu do të kemi paqe dhe qetësi në shpirtin tonë, por edhe brenda mundësive tona do ta ndryshojmë shoqërinë për të mirë, ka shkruar kryetari i VMRO-DPMNE-së Hristijan Mickoski në urim me rastin e Krishtlindjeve, dërguar kreut të Kishës ortodokse maqedonase, kryepeshkopit të Ohrit dhe Maqedonas z.z. Stefan.
Lideri i partisë Mickoski thotë se festa më e madhe krishtere Lindja e krishtit-Krishtlindja është dita kur fillon shpëtimi, sepse po të mos ishin Kriushtlindjet, shkruan ai në urim nuk do të kishim Pashkë, ndërsa me atë edhe ringjallja dhe shpëtimi i Zotit për njerëzit.
