Agjencia Zhurnal.mk.

Xhaçka: Ballkani Perëndimor të përfshihet në konceptin strategjik të NATO-s

Ministrja për Europën dhe Punët e Jashtme, Olta Xhaçka mori pjesë në takimin e Këshillit të Atlantikut të Veriut (NAC), në format të ministrave të Punëve të Jashtme, takim ky i cili po zhvillohet në Riga, Letoni, me pjesëmarrjen e Sekretarit amerikan të Shtetit, Anthony Blinken dhe Sekretarit të Përgjithshëm të NATO-s, Jens Stoltenberg.

 

Në ndërhyrjen e saj, Xhaçka nënvizoi rëndësinë e veçantë të integrimit të plotë euroatlantik.

Ajo bëri po ashtu thirrje që Ballkani Perëndimor të jetë në fokus të konceptit strategjik të NATO-s.

“Rajoni i detyrohet shumë ndërhyrjes së NATO-s. Por sot ka ardhur koha që të shkohet një hap më përpara duke e përfshirë Ballkanin Perëndimor në Konceptin Strategjik 2022, duke çuar njëkohësisht një sinjal të fortë kundër të gjithë atyre fuqive që po përpiqen të sabotojnë integrimin euroatlantik, duke nxitur dasi e destabilitet përmes taktikave hibride”, tha mes të tjerash Xhaçka.

Ministrat e Punëve të Jashtme të vendeve aleate trajtuan çështje me rëndësi për sigurinë euroatlantike duke bërë një vlerësim të mjedisit të sigurisë, përfshirë situatën në kufijtë e Polonisë, Lituanisë, Letonisë me Bjellorusinë. Ministrat trajtuan gjithashtu dhe çshtjen e përforcimeve ushtarake të Rusisë në dhe përreth Ukrainës.

Vizita e Ministres Xhaçka në Letoni, vjen pas Forumit të 6-ë të Unionit të Mesdheut që u mbajt në Barcelonë, në fillim të kësaj jave.

Sot pasdite, kryediplomatja shqiptare do të udhëtojë drejt Suedisë, ku do të mbahet Ministeriali i 28-të i Këshillit të OSBE-së.

Related posts

Stërvitja “Mnela 21”, Peleshi: FA më të afta dhe më të mirëpajisura, shpërblejmë financiarisht pjesëmarrësit në emergjenca

D V

Ambasadorja Yuri Kim takon Gjonajn: Dha kontribut për reformën në drejtësi, SHBA do të vazhdojë të mbështesë Shqipërinë

D V

Botohet dosja sekrete e Sigurimit të Shtetit kundër poetit të pushkatuar Vilson Blloshmi

R Zh

This website uses cookies to improve your experience. We'll assume you're ok with this, but you can opt-out if you wish. Accept Read More