Shkup, 22 tetor – Kryetari aktual njëherësh edhe kandidat për edhe një mandat në Komunën e Çairit, nga BDI-ja, Visar Ganiu, në facebook profilin e tij jep një lajm shumë të bukur për gjithë banorët e krahut të rrugës Seravë.
Sipas tij, ekipet e punës sot filluan aktivitetet për modernizimin e rrjetit të ujësjellësit në këtë pjesë të komunës së tyre.
“Në gjatësi prej 120 metrash në krahun e rrugës Seravë filloi zëvendësimi dhe modernizimi i gypave të vjetër të ujësjellësit me gypa të ri të llojit f80.
Mirëqenia e banorëve të Komunës së Çairit gjithmonë ka qenë dhe mbetet prioriteti ynë kryesor, andaj edhe të gjitha këto aktivitete që po i ndërmarrim për rregullimin e infrastrukturës rrugore e nëntokësore janë në këtë drejtim.”, bënë të ditur Visar Ganiu