Agjencia Zhurnal.mk.

Vetura dhe 500 euro, arsyet e vrasjes së Pançe Zhezhovskit

Maqedonia është tronditur nga një ngjarje e rëndë ku kanë mbetur të vrarë dy persona, ndërsa kryersi i vrasjes së dyfishtë është person i njejtë i cili sipas ministrit të punëve të brendshme, Oliver Spasovski, ka ikur nga Maqedonia dhe gjendet në Beograd, njofton Telegrafi Maqedoni.

Sipas prokurorit të rastit Gavril Bubevski, arsyeja e vrasjes së 74 vjeçarit Pançe Zhezhovskit është materiale. Kryersve të vrasjes i është duhur një veturë për të kryer misionin e dytë, kushtëzimin e familjes Gjorçevska për para, duke jua kidnapur vajzën.

“Pançe ka mbetur viktimë pasi kryersit e vrasjes nuk kanë pasur veturë që të grabisin Vanjën, personin e dytë në këtë tragjedi” ka thënë prokurori Bubevski.

Kujtojmë se vetura e viktimës Zhezhovski, citroen i bardhë, është përdorur më vonë për të grabitur Vanjën, viktimën e dytë.

Informacionet nga Prokuroria Themelore e Velesit gjithashtu kanë treguar se i dyshuari kryesor Ljupço Palevski dhe Panço Zhezhovski kanë pasur një kontest financiar. Viktima dorasit i ka pasur borxh 500 euro. Kjo është arsyeja se pse është zgjedhur 74 vjeçari për të qenë i vrari i parë nga dorasi, që të kryhet më lehtë qëllimi i tyre përfundimtar, grabitja e Vanjës 14 vjeçare.

Fotografi nga vendi ku është ndezur vetura e Zhezhovskit, pasi është grabitur Vanja.

Related posts

25-vjeçari nga Shkupi e sulmon fizikisht gjyshen e tij 72-vjeçare dhe tezen e tij

Xh M

Aksident ndërmjet tri veturave në magjistralen Tetovë – Gostivar, dhjetë persona të lënduar

Xh M

Ndalohet një tregtar nga Vrapçishti për të vuajtur dënimin me një vit burg

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy