Agjencia Zhurnal.mk.

Van Dijk po ‘çmendet’ nga dy bashkëlojtarët e Liverpoolit që vazhdojnë të tallen me të, duke ia përmendur fjalët e Messit

Mbrojtësi holandez i Liverpoolit, Virgil van Dijk po “çmendet” nga një tallje e Lionel Messit që dy bashkëlojtarët e Liverpoolit vazhdojnë t’ia përsërisin.

Van Dijk është në sezonin e tij të parë si kapiten i Reds pas largimit të Jordan Henderson dhe u ngriti lartë trofeun pas fitimit të Carabao Cup të dielën.

Një lider natyral, ish-lojtari i Celtic Glasgoë dhe Southampton kërkon respektin e bashkëlojtarëve të tij.

Por, kjo nuk do të thotë se ai është imun ndaj të qenit ‘kolegë’. Nënshkrimi i verës, Alexis Mac Allister ka zbuluar se ai dhe Mo Salah vazhdojnë t’i thonë Van Dijk fjalët ‘Anda Pa Alla Bobo’ – që është e njëjta frazë që Messi i zemëruar i tha Wout Weghorst në çerekfinalen pikante të Kupës së Botës mes Argjentinës dhe Holandës në vitin 2022.

“Unë dhe Salah, gjatë gjithë ditës po themi ‘Anda Pa Alla Bobo!’ [Çfarë po shikon budalla] tek Van Dijk. Po e çmendim dhe këtë e bëjmë edhe mes nesh”, ka thënë Mac Allister për programin ‘Can Pass’ të DS Sports.

Messi u zemërua me ish-lojtarin e huazuar të Manchester United, Weghorst, pasi Argjentina eliminoi Holandën në penallti.

Temperaturat u ndezën në lojë, me 15 kartonë të verdhë të treguar nga gjyqtari Antonio Mateu Lahoz.

Messi bëri një festë para syve të trajnerit Louis van Gaal dhe më pas Weghorst deshi të marr ‘hak’ pas ndeshjes.

Ai në thelb i tha atij: “Ik nga këtu budalla!” në spanjishten e tij amtare teksa po jepte një intervistë pas ndeshjes.

Related posts

Drejtuesit e Milanit përshpejtojnë kërkimin për zëvendësuesin e Piolit, emra të njohur në listë

D V

Arsenali po largon stemën tradicionale nga fanella, mësohet se me çfarë do ta zëvendësojë atë

D V

UEFA voton për ndryshim të madh të rregullave në Euro 2024, përfitojnë kombëtaret e mëdha

D V

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
Clicky