Agjencia Zhurnal.mk.

Usher mahnit publikun në “Super Bowl”, iu bashkuan yjet e hiteve më të mëdha

Yllit të mirënjohur të muzikës, Usher, në performancë në pauzën ndërmjet dy pjesëve të lojës në spektaklin “Super Bowl”, ju bashkuan këngëtarja Alicia Keys si dhe dy bashkëpunëtorët e tij, Ludacris e will.i.am, raporton BBC.

Ai kishte paralajmëruar se do ta bënte publikun të këndonte e të kërcente pasi në skenë do t’i bashkëngjitej dikush nga bashkëpunëtorët e këngëve të tij të famshme.

Për të performuar në këtë spektakël Usher kishte zgjedhur të vishej i tëri me ngjyrë të bardhë.

45 vjeçit në skenë ju bashkëngjiten shumë balerinë që ekzekutuan lëvizjet e tij, e të cilët janë vlerësuar prej kohësh nga profesionistët e fushës.

Për ngjarjen që u mbajt në stadiumin Allegiant në Las Vegas, Usher pati thënë se është e vështire të mblidhen 30 vjet karrierë në 12 minuta performancë, duke bërë të ditur se për këtë i duhej ndihma e bashkëpunëtoreve të hiteve të tij më të mëdha.

Mysafirja e tij e parë, ylli Alicia Keys, u paraqit me një veshje me ngjyrë të kuqe.
Ajo u ul në pianon e kuqe për të ekzekutuar tingujt e hitit të saj “If I Ain’t Got You”, pas së cilit bashkoi forcat me Usher dhe interpretuan hitin e vitit 2004, “My Boo”.

Pas Alicias, Usherit në skenë ju bashkua producenti e reperi i mirënjohur Jermaine Dupri për interpretimin e këngës “Confessions Part II”.

Në skenë më pas doli mysafirja tjetër e tij, H.E.R, e cila interpretoi me kitarë përgjatë këngëve “U Got it Bad” ndërsa Usher shkoi për t’u ndërruar dhe u rikthye me një veshje të kaltër për të bërë një koreografi me anë të rrollerave dhe mirëpriti artistin will.i.am.

Më pas këngëtarit mirëpriti artistin Lil Jon. Me ardhjen e tij fansat e kuptuan se do të vijë edhe këngëtari tjetër i mirënjohur Ludacris, për ta interpretuar hitin “Yeah”, hit ky që vlerësohet se ka definuar karrierën e Usherit.

Prezent për ta shikuar shfaqjen që Usher ofroi, ishin yjet e mirënjohur Taylor Swift, reperi Jay-Z, aktori Paul Rudd, ish-basketbollistët e mirënjohur, LeBron James, Shaquille O’Neal, etj.

Related posts

Vdes Iris Apfel ylli i modës amerikane

Xh M

Të ruhemi nga pseudoshkenca e sharlatanëve

D V

Organizohet eventi madhështor “The Best Of Europe Awards 2024” në Stamboll

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy