Shkup, 8 prill – Presidenti Stevo Pendarovski ka uruar pjesëtarët e bashkësisë rome në Republikën e Maqedonisë së Veriut me rastin e Ditës Ndërkombëtare të Romëve – 8 Prillit.
“Ju uroj përzemërsisht 8 Prillin, Ditën Ndërkombëtare të Romëve, një nga datat më të rëndësishme në historinë e romëve, kur në Kongresin e Parë të Romëve në vitin 1971 në Londër, aktivistët romë nga Evropa konfirmuan flamurin, himnin, gjuhën, kulturën dhe identitetin rom, për më shumë se 12 milionë romë në Evropë. Ne jemi krenarë për kontributin tuaj në ndërtimin e mozaikut multikulturor të atdheut tonë të përbashkët”, tha Pendarovski në urimin e tij.
Presidenti i vendit në urimin e tij, thekson se, jemi më pak se një dekadë përpara zbatimit të Strategjisë së re për përfshirjen e romëve në të cilën, siç tha ai, detyra jonë e përbashkët është krijimi i një shoqërie gjithëpërfshirëse duke arritur rezultate konkrete në arsimi, punësimi, strehimi, shëndetësia, kultura, lufta kundër diskriminimit dhe uljes së varfërisë.
“Në këto kohë krize, nga pikëpamja shëndetësore dhe ekonomike, është e nevojshme që të gjithë palët të përdorin siç duhet kapacitetet, burimet dhe kompetencat për të tejkaluar dallimet disproporcionale dhe problemet dekada, si parakusht për një prosperitet dhe të ardhmërisë së sigurt. Pjesëmarrja e komunitetit rom, si të gjitha komunitetet e tjera, në jetën shoqërore, politike dhe kulturore të vendit është jashtëzakonisht e rëndësishme. Le të vazhdojmë të ndërtojmë bashkëjetesën së bashku në frymën e respektit të ndërsjellë, solidaritetit dhe miqësisë. Urime 8 Prilli – Dita Ndërkombëtare e Romëve! Bahtalo o 8 April se e Romenge!”, thuhet në urimin e presidentit Stevo Pendarovski me rastin e Ditës Ndërkombëtare të Romëve
Edhe ministri i punëve të brendshme, Oliver Spasovski personalisht dhe në emër të MPB-së qytetarëve të bashkësisë etnike rome ua uroi 8 Prillin – Ditën Ndërkombëtare të Romëve, e shpallur në Kongresin Botëror Rom që nga viti 1990, ndërsa për nder të Kongresit të Parë Botëror Rom që nga viti 1971, kur janë konfirmuar karakteristikat universale të popullit rus dhe lëvizjes rome, në përgjithësi, përmes përcaktimit të flamurit, himnit, gjuhës dhe kulturës.
“Romët në Republikën e Maqedonisë së Veriut si një nga qytetarët më lojal dhe më paqësorë, gjithmonë ishin dhe do të jenë pjesë e pashmangshme e shtetësisë sonë, pjesë përbërëse e mozaikut multietnik në të cilin janë ndërtuar bashkë me të gjitha bashkësitë e tjera etnike, ndërsa i cili është themel i konceptit tonë ‘Një shoqëri për të gjithë’, me të cilin e garantojmë zbatimin e të drejtave patjetërsueshme të njeriut”, shkroi ministri Spasovski në profilin e tij në Fejsbuk.
Kontributi i bashkësisë rome drejtë shoqërisë, përmes qasjes institucionale, qytetare, shkruan Spasovski, e meriton respektin e secilit prej neve.
