Agjencia Zhurnal.mk.

U zgjodhën anëtarët e rinj të Bordit për Ndarjen e Çmimit Shtetëror “23 Tetori”

Shkup, 25 janar – Në mbledhjen e sotme të 20-të të Komisionit për Çështje të Zgjedhjeve dhe Emërimeve, filmologia Mimi Gjorkoska Ilievska është zgjedhur kryetare e Bordit për Ndarjen e Çmimit Shtetëror “23 Tetori” për arritjet shumëvjeçare në lëmin e shkencës, kulturës, arsimit, interesave shtetërore dhe promovimin e prioriteteve shtetërore, vlerave dhe trashëgimisë kulturore – historike në Republikë.

Anëtarë të rinj të këtij Bordi u zgjodhën Millovan Stefanovski, shkrimtar, Rolando Kotirov, punonjës sportiv, Lubisha Stankoviq, gazetar, Lira Bojku, shkrimtare, Maria Pandevska, historiane, Tomisllav Osmanli, shkrimtar, Pero Arsovski, aktor, Lulzim Haziri, shkrimtar, Sergej Andreevski, artist, Lidia Millkoviq, mjeke, Sllobodan Despotovski, punonjës filmi dhe Elena Grujovska, profesoreshë universitare.

Në rend dite të këtij Komisioni ishte edhe pika Propozim-Rregullorja për ndryshim të Rregullores së Komisionit për Çështje të Zgjedhjeve dhe Emërimeve në Kuvend. Kryetarja e Komisionit për Çështje të Zgjedhjeve dhe Emërimeve, Maria Georgievska informoi se deri në fillim të vazhdimit të sotëm të mbledhjes së 20-të nuk janë dorëzuar propozime për ndryshime të Rregullores së Komisionit kuvendor për Çështje të Zgjedhjeve dhe Emërimeve.

Ajo potencoi se që të mundet Komisioni të debatojë për këtë pikë është e nevojshme që propozimet për ndryshime të Rregullores së Komisionit të dorëzohen me shkrim te kryetari, gjegjësisht Komisioni për Çështje të Zgjedhjeve dhe Emërimeve.

Georgievska e ndërpreu punën e kësaj mbledhjeje në Komision, ndërsa në mënyrë shtesë do të njoftohen anëtarët e Komisionit për vazhdimin e saj.

Related posts

Ministri i jashtëm bullgar: Gjykimi i Allabakovskit dhe ndeshja e futbollit nuk dërgojnë mesazh pozitiv

Z.H

5,872 m3 mbetje nga deponitë e paligjshme ka larguar Higjiena Komunale në gjashtë muajt e parë të këtij viti

Z.H

Bexheti: Për tregjet do të gjenden zëvendësime pas invazionit në Ukrainë, por nuk ka alternativë për humbjen e jetëve njerëzore

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More