Sali Berisha ka shkuar në seancën plenare që po zhvillohet ditën e sotme. Ai rikthehet në Kuvend pas 4 muajsh. Ish-Kryeministri i vendit ka deklaruar se arsyeja pse po rikthehet pikërisht tani është sepse gjatë periudhës së kaluar, Berisha ka qenë në një bisedë me mbarë demokratët e Shqipërisë.
Sali Berisha: Kam munguar 4 muaj sepse isha në bisedë me mbarë demokratët e Shqipërisë dhe në një farë mënyre ai ishte parlamenti më i madhërishëm në 30 vitet e fundit tani rikthehem në respekt të popullit, por për ato që janë aty nuk meriton të qëndrosh as 4 minuta në atë sallë.
Ish-Kryeministri shpjegoi për gazetarët se përse zgjodhi të fliste jashtë godinës.
“Kanë vendosur rregulla në parlament vetëm që të më kufizojnë fjalën. Atëherë salla e vërtetë e parlamentit do jetë këtu”.
Pas fjalës, Berisha u pa kur hyri në sallë./tvklan.al
