Shkup, 14 korrik – Në Qendrën dikasteriale për krijim të përgjegjshëm gjinor të politikave dhe buxhetim të Ministrisë së Punës dhe Politikës Sociale, sot u mbajt takim pune në të cilin u prezantuan monitorim raportohet për progresin e shtetit në zbatimin e Planit Kombëtar të Veprimit për zbatim e Konventës së Stambollit për periudhën nga tetori 2018 deri në dhjetor të vitit 2021 nga ana e Rrjetit Kombëtar kundër dhunës ndaj grave dhe dhunës në familje.
Siç informon Ministria e Punës dhe Politikës Sociale, ky aktivitet zbatohet në kuadër të projektit “Rrugës drejt BE-së: Parandalimi i dhunës ndaj grave në Republikën e Maqedonisë së Veriut” të financuar nga Fondacioni “Kvinna till Kvinna”, i implementuar nga Rrjeti Kombëtar kundër dhunës ndaj grave dhe dhunës në familje.
Ministrja e Punës dhe Politikës Sociale, Jovanka Tërnçevska theksoi se vendi ynë është ndër vendet e para që ka nënshkruar Konventën për Parandalim dhe Luftën Kundër Dhunës ndaj Grave dhe Dhunës në Familje (Konventa e Stambollit), e cila ka hyrë në fuqi më 1 korrik 2018.
Në drejtim të implementimit, Qeveria e miratoi “Planin e veprimit për zbatimin e Konventës për Parandalim dhe Luftë Kundër Dhunës ndaj Grave dhe Dhunës në Familje në Republikën e Maqedonisë 2018-2023”.
Ky dokument strategjik, siç theksohet, i përcakton aktivitetet, institucionet kyçe, treguesit dhe kornizën kohore për përkthimin e dispozitave të Konventës në legjislacionin kombëtar për periudhën 2018-2023.
“Analiza duhet të na japë një drejtim se ku jemi mirë dhe ku duhet t’i forcojmë përpjekjet tona si institucione, përfshirë organizatat e shoqërisë civile, të cilat janë vazhdimisht në terren. Bashkëpunimi ndërmjet institucioneve qeveritare dhe sektorit civil duhet të vazhdojë më tej, edhe më intensivisht, me një qëllim të vetëm zbatimin e suksesshëm të politikave dhe rezultateve që do t’i japin pritjet tona, mbrojtje nga çdo formë e dhunës, theksoi ministrja Trençevska.
Rrjeti Kombëtar Kundër Dhunës ndaj Grave dhe Dhunës në Familje ka përgatitur tre raporte për progresin e Republikës së Maqedonisë së Veriut në zbatimin e aktiviteteve të parapara në Planin Kombëtar të Veprimit (2018-2023) për implementimin e Konventës së Stambollit. Raporti i parë i ka përfshirë dy vitet e para, raporti i dytë e përfshin periudhën deri në maj 2021 dhe raporti i tretë e përfshin periudhën nga qershori deri në dhjetor të vitit 2021.
Pas prezantimit të raportit është diskutuar për hapat e ardhshëm për një proces më të suksesshëm të harmonizimit të Konventës së Stambollit me politikat ekzistuese kombëtare
