Prokurori i FIGC ka të ngjarë të përcaktojë pezullimin e Sandro Tonalit deri në javën e ardhshme, që do të thotë se ndeshja e ardhshme e Ligës Premier kundër Crystal Palace mund të jetë e fundit e sezonit për italianin.
23-vjeçari u dëgjua nga prokurorët e Torinos dhe FIGC këtë javë dhe pranoi se kishte luajtur bixhoz me Milanin gjatë kohës që kishte kontratë me kuqezinjtë, megjithëse ai kishte vënë bast për ish-klubin e tij vetëm për të fituar ndeshjet.
Sipas La Gazzetta dello Sport, Prokurori i FIGC do t’i ofrojë mesfushorit italian një marrëveshje për pranimin e fajësisë, duke njoftuar pezullimin e tij përpara ndeshjes së Ligës së Kampionëve të javës së ardhshme midis Newcastle dhe Borussia Dortmund.
Kjo do të thotë se ndeshja e ardhshme e Ligës Premier me Crystal Place do të jetë e fundit për Tonalin këtë sezon, me kusht që ai të jetë i përfshirë.
Gazeta italiane pretendon se është ‘e vështirë të parashikosh kohëzgjatjen e ndalimit’, por duke marrë parasysh pezullimin prej shtatë muajsh të Nicolo Fagiolit, Tonali mund të përjashtohet për një vit ose pak më shumë.
Newcastle deklaroi të mërkurën se Tonali dhe familja e tij po merrnin mbështetjen e plotë të klubit, ndërsa agjenti i lojtarit Beppe Riso, së fundmi ka konfirmuar se klienti i tij është i varur nga bixhozi.
