Shkup, 2 mars – Komisioni për Sëmundje Infektive ka propozuar heqjen e çertifikatave për hyrje në qendra tregtare dhe restorante, gjegjësisht aty ku bartja e maskës është e obligueshme, informon Zhurnal.
“Sollëm një konkludim, e ajo është heqja e çertifikatave për prezencë në qendra tregtare, gjegjësisht aty ku është e obligueshme bartja e maskave. Ky është edhe një hap drejt lehtësimit të restriksioneve, por gjithsesi për zhvillimet e ardhshme duhet të jemi të kujdesshëm sepse nuk duam menjëherë të heqim të gjitha masat dhe të marim rezulate të papritura”, tha Aleksandar Petliçkovski, kryetari i KSI-së.
Nga Komisioni thanë se nga sot fillon fushata për caktimin e termineve për të gjithë ata që nuk janë vaksinuar, si dhe ato që nuk kanë dozën e tretë dhe janë në grupën e rrezikuar të qytetarëve.
“Grupe të rrezikshme të qytetarëve, gjegjësisht ato që kanë mbi 65 vjet dhe kanë komorbiditete, ose nën 65 dhe kanë më tepër komorbiditete, do t’u arrijë SMS mesazh e cila do t’i njoftojë se në çfarë termini duhet të vizitojnë pikën për vaksinim”, thonë nga Komisioni