Në kuadër të vizitës për të marrë pjesë në Forumin e 3 – të për Bashkëpumin Ndërkombëtar “ Një brez, një rrugë “ , të martën pasdite, kryetari i shtetit i Kinës Xi Jinping zhvilloi bisedime me presidentin e Indonezisë Joko Widodo.
Xi vuri në dukje që Indonezia është vendi ku ai paraqiti propozimin për ndërtimin e përbashkët të Rrugës Detare të Mëndafshit të Shekullit të 21-të. Gjatë 10 vjetëve të kaluar, u shpreh ai, bashkëpunimi Kinë-Indonezi për ndërtimin e përbashkët të “Një brez, një rrugë” ka marrë rol udhëheqës në rajon dhe ka sjellë përfitime të mëdha për të dy popujt, duke u bërë një shembull i rëndësishëm i bashkëpunimit ndërkombëtar për ndërtimin e përbashkët të “Një brez, një rrugë”, shkruan CMG.
Presidenti kinez u takua gjithashtu edhe me presidentin e Kazakistanit, Kassym-Jomart Tokayev, me kryeministrin hungarez Viktor Orban dhe presidentin e Serbisë , Aleksandar Vuçiç.
Ai bëri thirrje që të forcohet bashkëpunimi dypalësh, të nxitet arritja e më shumë rezultateve nga bashkëpunimi për “Një brez, një rrugë” dhe të sillen më shumë përfitime për popujt e vendeve përkatëse .
