Agjencia Zhurnal.mk.

Stoltenberg paralajmëron pasoja të rënda për Rusinë nëse përdorë armë bërthamore

Sekretari i Përgjithshëm i NATO-s, Jens Stoltenberg, ka paralajmëruar “pasoja të rënda për Rusinë”, nëse presidenti rus Vladimir Putin do të përdorte armë bërthamore në Ukrainë, mes retorikës së përshkallëzuar nga Moska dhe aleatët e saj.

 

“Retorika bërthamore është e rrezikshme. Është e pamatur”, tha Stoltenberg për NBC të dielën.

Çdo përdorim i armëve bërthamore do të “ndryshonte natyrën” e konfliktit në Ukrainë”, shtoi ai.

“Një luftë bërthamore nuk mund të fitohet dhe nuk duhet të luftohet kurrë. Dhe ky është një mesazh që NATO dhe aleatët e NATO-s ia përcjellin qartë Rusisë”, tha ai.

Vërejtjet e Stoltenberg pasojnë disa nga retorikat më të mprehta të Putinit deri më sot mbi gatishmërinë e Moskës për të përdorur forcën bërthamore ndërsa fushata e saj ushtarake pëson disfata në Ukrainë.

Udhëheqësit perëndimorë dhe zyrtarët e qeverisë besojnë se ky kërcënim është rritur që nga e premtja, kur Putini aneksoi zyrtarisht katër rajone ukrainase, dhe i shpalli territor rus.

Që atëherë, forcat ukrainase thonë se kanë rimarrë qendrën kryesore hekurudhore të Lyman, në Ukrainën lindore, në jug të Donetskut.

Related posts

OBSH rekomandon ilaçe të reja për trajtimin e pacientëve me COVID-19

D V

Biden u takua me liderët e Suedisë dhe Finlandës

Xh M

CIIE, ndërmarrjet ndërkombëtare shtojnë investimet në tregun kinez

Z.H

This website uses cookies to improve your experience. We'll assume you're ok with this, but you can opt-out if you wish. Accept Read More