Agjencia Zhurnal.mk.

Stefkovski: Policia në autobusë deri në zgjidhjen e plotë të problemeve

Shkup, 19 shtator – Kryetari i komunës së Gazi Babës, Boban Stefkovski sot pasdite ka marrë pjesë në patrullimet e vendosura policore në autobusët e NQP-së Shkup, pas ngjarjeve të pakëndshme që ndodhën javën e kaluar në territorin e komunës së Gazi Babës, dhe në profilin e tij në Fejsbuk ka njoftuar se në autobusë do të ketë patrulla policore deri në tejkalimin e plotë të problemeve.

 

“Sot pasdite personalisht pata rastin që së bashku me përfaqësuesit e stacionit policor të juridiksionit të përgjithshëm Gazi Babë të udhëtoj me autobusin numër 65 të NQP-së Shkup nga Autokomanda deri  në Stajkovc.

U takova me nxënës të shkollave të mesme si dhe me qytetarë me të cilët biseduam për ngjarjet e pakëndshme që ndodhën javën e kaluar në këtë autobus dhe mesazhi im për të gjithë ishte: dhuna duhet të ndalet!

Në autobusë do të ketë patrulla policore deri në tejkalimin e plotë të problemeve të tilla.

Pjesëmarrja ime personale në patrullimin e sotëm është që edhe një herë të konfirmoj qartë vendosmërinë time si kryetar i komunës së Gazi Babës se nuk do të lejojmë të ndodhin ngjarje të tilla në të ardhmen, thuhet në njoftim.

Ai shtoi se çdo institucion do të përmbushë përgjegjësitë e veta dhe, siç thotë ai, vetëm atëherë sistemi do të funksionojë plotësisht.

Related posts

Tupançeski – Bërnz: Reforma në sferë e sundimit të ligjit është një nga çështjet më të rëndësishme për vendin

D V

Deri tani në Maqedoni janë regjistruar gjashtë raste të murtajës afrikane të derrit

Z.H

Deputetët debatuan për Raportin e KE-së për Maqedoninë e Veriut për vitin e kaluar

Z.H

This website uses cookies to improve your experience. We'll assume you're ok with this, but you can opt-out if you wish. Accept Read More