Një grup i specializantëve ka njoftuar se do të vazhdojnë të protestojnë, për kërkesat e tyre pasi që nuk kanë arritur asnjë marrëveshje me Ministrinë e Shëndetësisë.
Sipas njoftimit, çdo ditë nga ora 10:00 deri në orën 11:00, nga e hëna deri të premten, do të mbahet protesta e tyre para Ministrisë së Shëndetësisë.
Protesta e tyre lidhet me siç kanë thënë, mospagesën e kujdestarive sipas Ligjit të ri të pagave si dhe mospagesën e kujdestarive me subvencione prej muajit shkurt.
Ata gjatë javës së kaluar protestuan për mospagesën e kujdestarive prej muajit shkurt dhe kundër detyrimit për të paguar vitin e shkollimit specialistik 500 euro për një vit.
Arianit Zajmi, kishte theksuar se secializantët po paguhen me çmime fikse për kujdestaritë.
“Detyrohemi me paguar nga 500 euro në vit, që i bie për pesë vjet me pagu 2,500 euro, kjo nuk ka qenë më përpara. Prej muajit shkurt, nuk e kemi marrë asnjë cent për kujdestari. Specializantët po paguhen me çmime fikse për kujdestaritë”, është shprehur ai.
