Shkup, 2 dhjetor – Ministri i Punëve të Brendshme, Oliver Spasovski sot dhe nesër merr pjesë në Forumin Ministror BE- Ballkani Perëndimor që në organizim të Presidencës sllovene me BE-në mbahet në Bërdo të Kranjës në Republikën e Sllovenisë, ku gjatë tri sesioneve të punës kushtuar emigrimit, luftës kundër terrorizmit dhe përballjes me krimin e organizuar, i prezantoi qëllimet dhe aktivitetet strategjike të vendit tonë nga sfera e sigurisë dhe zbatimit të ligjeve.
Forumi ka për qëllim që të nxisë diskutim në tema nga sferat e punëve të brendshme dhe drejtësisë, nga kapitujt 23 dhe 24 nga skriningu për procesin parainkaudrues për anëtarësim në Union.
Në kuadër të sesionit për emigrimin, azilin dhe kufijtë e jashtëm, Spasovski, siç informojnë nga kabineti i tij, mes tjerash, ka potencuar se përveç zhvillimit të mëtutjeshëm të sistemit nacional për menaxhim të integruar kufitar sipas koncepteve dhe standardeve të BE-së në të gjitha format e punës kufitare, vazhdon bashkëpunimi intensiv me agjencitë Frontex – EBCGA и Europol, edhe atë në të gjitha domenët operativë, zhvillim dhe hulumtim, e deri në trajnime dhe edukim profesional – teknik.
Në sesionin kushtuar luftës kundër terrorizmit, ekstremizmit të dhunshëm dhe radikalizmit, si një nga çështjet me prioritet për sigurinë evropiane, Spasovski, thuhet në kumtesë, e ka theksuar nevojën për gatishmëri dhe rezistencë si në nivel lokal, ashtu edhe në nivel nacional por edhe nivel ndërkombëtar për qëllimin e të cilit është krijuar Plan i Përbashkët Veprimi për luftën kundër terrorizmit.
Në kuadër të sesionit të punës për përballjen me krimin e organizuar, Spasovski, thuhet në kumtesë, paralajmëroi se Qeveria e RMV-së, sipas qëllimeve dhe prioriteteve të Strategjisë Nacionale për Droga 2021-2025, tashmë vitin e ardhshëm 2022 do të vendosë Sistem për paralajmërim të hershëm nga substanca të reja psikoaktive, si përgjigje e angazhimeve për përforcim dhe zhvillim të qasjeve adekuate për ulje të kërkesës dhe ofertës, si dhe për nevojë për koordinim të përforcuar mes institucioneve dhe përmirësim të sistemit të raportimit.
