Agjencia Zhurnal.mk.

Spasovski: Një ekip i MPB-së tashmë është rrugës për në Bullgari

Shkup, 23 nëntor – Ministri i Punëve të Brendshme, Oliver Spasovski u shprehi ngushëllime familjeve të viktimave në fatkeqësinë e autobusit që ndodhi herët në mëngjes në Bullgari.

 

“Më lejoni në këto momente të rënda të pikëllimit dhe dhimbjes për tërë shtetin t’u shpreh ngushëllimet më të thella familjeve të viktimave në fatkeqësinë tragjike të autobusit që ndodhi në Bullgari, duke e ndarë peshën e humbjes së pakompensueshme. Paçin lavdi të përhershme, u prefshin në paqe…

Edhe pse është vështirë të gjenden fjalë ngushëlluese, në këto çaste tragjike, dëshiroj të porosis si mik, si njeri, se nuk jeni dhe asnjëherë nuk do të jeni vetëm, pavarësisht peshës së tmerrshme të momentit”, shkroi Spasovski në profilin e tij në Fejsbuk.

Spasovski thekson se pas bisedës telefonike me kolegun e tij bullgar Rashkov, ekipi i Ministrisë së Punëve të Brendshme i kryesuar nga ndihmës drejtori i policisë së uniformuar, ndërkaq i përbërë nga përfaqësues të Sektorit për polici trafiku dhe Sektori për hetime kriminalistike-teknike dhe ekspertizë tashmë është rrugës për në Bullgari dhe u qëndron në dispozicion për ndihmë dhe mbështetje kolegëve bullgarë.

“Pres reagim të shpejtë dhe gjithpërfshirës të shërbimeve kompetente. Mendimet dhe lutjet tona janë edhe me të lënduarit. Nga zemra dëshiroj rikuperim të tyre të shpejtë dhe kthim sa më të shpejtë në shtëpitë e tyre”, shkroi Spasovski.

Related posts

Moti sot në Maqedoninë e Veriut

Z H

Zaev: Miratuam një vendim që do ta ulë korrupsionin

R Zh

Nëse askush nuk siguron shumicën është e mundshme takim të liderëve

D V

This website uses cookies to improve your experience. We'll assume you're ok with this, but you can opt-out if you wish. Accept Read More