Agjencia Zhurnal.mk.

Sot afati i fundit nga opozita për kryeministrin Zaev të jep dorëheqje, nëse jo, do të votohet mosbesim

Shkup, 8 nëntor – Opozita deri në ora 14:30 sot do ta presë kryeministrin Zoran Zaev ta dorëzojë dorëheqjen në Kuvend dhe nëse nuk ndodh kjo, nga opozita thonë se në Kuvend do të parashtrohet nismë për mosbesim të qeverisë.

 

Kryetari i VMRO-DPMNE-së, Hristijan Mickoski dje tha se është siguruar shumica që do të votojë për mosbesimin e qeverisë nëse Zaev nuk parashtron dorëheqjen. Ai u bëri thirrje deputetëve të tjerë, krahas atyre 61 që t’i bashkohen shumicës.

“Dera e hapur është për secilin që mendon se kjo qeveri e Zaevit nuk është e mirë. Janë gjithsej 61 deputetë që qëndrojnë për votuar mosbesimin dhe u bëj thirrje deputetëve të tjerë të na bashkohen. Nuk bëhet fjalë për parti politike, por për deputetë”, tha Mickoski.

Sipas tij, pas parashtrimit të nismës, procedura do të jetë në duart e kryetarit të Kuvendit i cili duhet ta respektojë procedurën dhe afatet.

Related posts

Orce Kamçev ofron 1.8 milion euro garancë për të dalë nga burgu i Shutkës

Redaksia

Fillon regjistrimi në UCIM, të lira mbi 10.600 vende për studentët e ardhshëm

Redaksia

Për momentin Maqedonia furnizohet me energji elektrike vetëm nga importi

D V

This website uses cookies to improve your experience. We'll assume you're ok with this, but you can opt-out if you wish. Accept Read More