Shkup, 15 mars – Më 13 mars përfundoi dhe dorëzimi i kandidaturave për kryetar të ardhshëm të Aleancës për Shqiptarët, i cili do të zgjedhet në kongresin e dytë më 27 mars, informon Zhurnal.
Për këtë njoftoi sot deputeti i ASH-së, Halil Snopçe, i cili konfirmoi se në komisionin përkatës të partisë, ka arritur vetëm një propopzim për kryetar partie, e ai është i kryetarit aktual, Ziadin Selës.
Snopçe bëri të ditur se ASH ka 1600 anëtarë e ato në parti kanë dorëzuar vetëm një kandidaturë për lider të ardhshëm të ASH-së. Afati ka qenë 2javë para mbajtjes së kongresit gjegjësisht deri më 13 mars.
Propozimi për lider të ASH-së ka qenë në harmonizim me të gjitha degët e partisë në të gjithë vendin./Zhurnal.mk
