Agjencia Zhurnal.mk.

Skadoi mandati i gjykatëses Vangelina Markudova, Kushtetuesja ngeli me 6 gjykatës

Shkup, 9 dhjetor – Gjykata kushtetuese prej sot punon me gjashtë nga 9 gjykatësit e paraparë, për shkak të përfundimit të mandatit të gjykatëses, Vangelina Markudova.

Mbledhja e fundit në të cilën mori pjesë gjykatësja Markudova, siç informojnë nga Gjykata, u mbajt të mërkurën më 7 dhjetor dhe atëherë përfunduan obligimet e saj të punës në Gjykatën kushtetuese. Nisma e fundit në të cilën punoi Markudova dhe e referoi në mbledhje është për Ligjin për rroga dh kompensime të tjera të personave të zgjedhur dhe të emëruar dhe rreth kësaj lënde Gjykata kushtetuese ngriti procedurë, përkatësisht shprehi dyshim në kushtetutshmërinë e nenit 22 i cili u mundëson funksionarëve të shkarkuar apo atyre të cilët vetë kanë dhënë dorëheqje të marrin rrogë (apanazhë) edhe pas përfundimit të mandatit.

Me rastin e pensionimit të gjykatëses Markudova, Gjykata kushtetuese organizoi solemnitet rasti në kuadër të të cilit gjykatësit dhe të punësuarit e falënderuan për kontributin e saj dhe pjesëmarrjen aktive në punën e Gjykatës kushtetuese.

Vangelina Markudova, si gjykatëse kushtetuese, gjatë mandatit të saj nëntëvjeçar punoi në 256 lëndë si gjykatëse-njoftuese.

Related posts

Punonjësit nuk po paguhen dyfish për të dielat, paralajmërim për punëdhënësit!

Z.H

PDSH-ja zgjodhi kryetarin e degës në Gostivar

Xh M

Albi Mall Superliga e Kosovës vazhdon me xhiron e 18-të, orari dhe gjyqtarët

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More