Agjencia Zhurnal.mk.

Sigurohet akomodim i përkohshëm i 131 qytetarëve afganë të punësuar në Kombet e Bashkuara

Shkup, 5 nëntor – Në Aeroportin Ndërkombëtar në Shkup mbrëmë arritën një grup prej 131 qytetarëve nga Afganistani. Bëhet fjalë për të punësuar të Kombeve të Bashkuara për të cilët Maqedonia e Veriut siguroi akomodim të përkohshëm deri në largimin e tyre në një shtet të tretë. Vendi me këtë vazhdon të ndihmojë në operacionin humanitar ndërkombëtar për ndihmë të civilëve të cilët janë në rrezik nga pushteti i ri taleban.

 

Pas arritjes u zbatua procedura standarde – kontroll i sigurisë dhe mbrojtjes dhe PCR test.

Siç kanë njoftuar nga qeveria, ata do të jenë përkohësisht të vendosur në Shkup, ndërkaq të gjitha shpenzimet janë të mbuluara nga Kombet e Bashkuara.

Për momentin në vend qëndrojnë 531 qytetarë të Afganistanit, për të cilët institucionet sigurojnë dhe ua ofrojnë ndihmën dhe mbështetjen e nevojshme.

Nga Maqedonia e Veriut deri më tani janë larguar 84 qytetarë, të cilëve qëndrim të përhershëm u siguroi Franca, Greqia, Irlanda, Portugalia dhe Brazili.

Related posts

Prezantim i monitoring platformës digjitale të DPHM-së

Z H

Xhaferi: Ballkani Perëndimor në BE do ta përforconte Unionin

Z H

Moti sot në Maqedoninë e Veriut

Z H

This website uses cookies to improve your experience. We'll assume you're ok with this, but you can opt-out if you wish. Accept Read More