Agjencia Zhurnal.mk.

Shqiptari i kërkon policisë ta fusin në burg për t’i shpëtuar gruas në shtëpi

Një burrë i dënuar me arrest shtëpie u denoncua në komisariat dhe kërkoi të futej në burg pasi jeta me gruan e tij dhe familjen e saj është e pamundur, njoftoi policia italiane.

 

Një shqiptar 30-vjeçar që jeton në Guidonia Montecelio pranë Romës “nuk mund të durojë më bashkëjetesën e detyruar me gruan e tij”, thanë karabinierët nga qyteti fqinj, Tivoli.

“I dëshpëruar vendosi të arratisej, të raportonte spontanisht te karabinierët dhe t’i kërkonte që ta vuante dënimin pas hekurave”, shtuan ata.

“Burri është dënuar me arrest shtëpie për disa muaj për krime të lidhura me drogën dhe duhet të vuante një dënim të tillë për disa vite, gjë që i dukej e pashpresë”, tha kapiteni Francesco Giacomo Ferrante për AFP.

“Ai tha se “jeta i është bërë ferr” dhe “se nuk mundet më”, kështu që “do të shkojë në burg””, shpjegoi Ferrante.

Kur u paraqit te karabinierët, burri shqiptar, identiteti i të cilit nuk është bërë i ditur, u arrestua për shkelje të masës së arrestit shtëpiak dhe organet e drejtësisë urdhëruan vendosjen e tij në burg.

Related posts

Ngordh breshka Shurley, ishte banori më i vjetër i kopshti zoologjik Shenbrun – në kopshtin zoologjik të Vjenës jetoi nga viti 1953

D V

Nëndetësja luksoze Super Sub, është më e shpejtë sesa një delfin

D V

Në Zvicër miratohet përdorimi i kapsulës së parë për eutanazi

D V

This website uses cookies to improve your experience. We'll assume you're ok with this, but you can opt-out if you wish. Accept Read More