Agjencia Zhurnal.mk.

Shpenzimet për festat,ndikim pozitiv në ekonomi

Udhëtimet individuale në Kinë arritën në 230 milionë gjatë pushimeve 5-ditore të Festës së Punëtorëve nga e shtuna deri të mërkurën, 119.7 % më shumë se në të njëjtën periudhë të vjetshme, tha Ministria e Kulturës dhe e Turizmit të mërkurën.

 

Gjatë pushimeve të Festës së 1 Majit, të ardhurat nga turizmi i brendshëm në Kinë u shtuan me 138.1 % në krahasim me të njëjtën periudhë të 2020-s, duke arritur në 113.23 miliardë juanë (17.49 miliardë dollarë) dhe duke u rikthyer në masën 77 % të së njëjtës periudhë para epidemisë, njoftoi ministria.

Sipas të dhënave nga kompania e udhëtimeve në internet e Kinës, “Trip. com”, e njohur më parë si “Ctrip”, krahasuar me të njëjtën periudhë të vitit 2019, gjatë festës së sivjetshme rezervimet e biletave të avionit u rritën me rreth 180 %, të hoteleve afro 40 %, kurse rezervimet për pikat turistike shënuan një rritje trefish.

Ndërsa sipas të dhënave për sektorin e restoranteve nga “Ele. me”, numri i porosive në tre ditët e para të pushimeve të festës ishte më i larti në më shumë se gjysmë dekada. Në fushën e blerjeve, afro 500 milionë pako u dërguan në dy ditët e para të festës, me një rritje 26 %, sipas të dhënave nga Zyra Shtetërore e Postave.

Liu Zhiqin, studiues i lartë për kërkimet financiare në Universitetin Renmin të Kinës, tha për rrjetin televiziv kinez CGTN se ekonomia e festës së 1 Majit i kushtoi rëndësi të madhe rimëkëmbjes ekonomike të Kinës pas COVID-19, veçanërisht në drejtim të ofertës e kërkesës, dhe ishte një provë e suksesshme për qarkullimin e konsumit të brendshëm, që është shtylla kryesore modelit të zhvillimit me “dy qarkullime” të Kinës. Struktura e konsumit dhe suksesi i ekonomisë së festës në Kinë patën një ndikim pozitiv edhe për botën.

“Kina po përgatitet për të mbështetur dhe forcuar rimëkëmbjen ekonomike globale,” shtoi Liu.

Related posts

Biden do të mbajë konferencë i vetëm pas takimit me Putinin

Redaksia

Asnjë vend nuk e ka marrë një vendim të tillë më parë: Italia miraton masat më të rrepta në botë për COVID-19

D V

Shifra rekorde të të infektuarve me koronavirus në Gjermani

D V

This website uses cookies to improve your experience. We'll assume you're ok with this, but you can opt-out if you wish. Accept Read More