Kampioni i Maqedonisë së Veriut në futboll, Shkupi publikoi se tifozët nga sot mund të blejnë bileta për revanshin e ndeshjes të xhiros së dytë kualifikuese kundër Dinamos së Zagrebit, që do të luhet të martën në Arenën Kombëtare “Todor Proeski” në Shkup.
Çmimi i biletës është 150 denarë, ndërsa biletat VIP janë nga 300 dhe 1.000 denarë.
Tifozët mund të blejnë bileta në dy lokacione, në sheshin Skënderbeu dhe në stadiumin e Shkupit në Çair.
Shkupi të martën luajti 2-2 në ndeshjen e parë në “Maksimir” në Zagreb dhe pret mbështetje të madhe në revanshin në Shkup, në përpjekje për të kompletuar surprizën ndaj favoritit dhe të sigurojë plasman në xhiron e 3-të kualifikuese në Ligën e Kampionëve.