Agjencia ruse e lajmeve RIA Novosti raportoi se komandanti i Forcave Ajrore-Hapësinore Ruse, Sergey Surovikin, i cili gjithashtu udhëhoqi trupat ruse në Ukrainë vitin e kaluar, është shkarkuar nga detyra, transmeton Anadolu.
Surovikin komandonte trupat ruse në Ukrainë midis tetorit dhe dhjetorit të vitit 2022.
Në lajm u theksua se Surovikin u shkarkua nga komanda e Forcave Ajrore Ruse dhe se Viktor Afzalov, shefi i Shtabit të Forcave Ajrore Ruse, u emërua për ta zëvendësuar atë përkohësisht.
Në revoltën e grupit mercenar Wagner kundër administratës ruse më 24 qershor, Surovikin publikoi një video dhe i bëri thirrje Wagnerit të lëshonte armët.
Në disa lajme në mediat ruse pas trazirave u pretendua se pavarësisht thirrjes që Wagneri të dorëzonte armët, kundër Surovikin u nis një hetim dhe ai u mbajt në arrest shtëpiak.
