Agjencia Zhurnal.mk.

Shitet për 6.88 milionë euro qilimi i shekullit XVI-të

Një qilim i rrallë që i përket dinastisë kineze, Ming u shit për 6.88 milionë euro në një ankand në Christie’s Paris.

 

Ai i përkiste Pallatit Perandorak të Qytetit të Ndaluar të Pekinit, i cili nuk ishte shfaqur në publik në 34 vitet e fundit.

“Ky qilim i veçantë, për shkak të formës dhe dekorimit të tij, ishte dizajnuar për fronin perandorak kinez”, tha Louise Broadhurst, eksperte e qilimave oriental.

Qilimi i mrekullueshëm i takon shekullit të XVI-të gjersa Broadhurst shpjegoi se ekzistonte një punëtori perandorake që i krijoi ato vetëm për ambientet e brendshme të Qytetit të Ndaluar.

“Ky është një nga vetëm shtatë qilimat e plotë të ‘Fronit të Dragoit’ që mbeten në koleksionet perëndimore. Ekzistojnë edhe nëntë qilima të tjerë, por ato gjenden në muzeun e pallatit në Pekin. Sigurisht, ata nuk do të dalin kurrë nga ai koleksion i muzeut”, shtoi Broadhurst.

Mësohet se qilimi është blerë fillimisht në vitin 1920 nga një çift nga Iowa (SHBA) që ishin për muajin e mjaltit në Kinë.

Qilimin ia kishin huazuar Muzeut të Artit të Clevelandit dhe më pas e shitën në vitin 1987 tek një koleksionist privat në Zvicër.

Qilimi duket se është i verdhë, por besohet se ka qenë i kuq kur u qep për herë të parë në një punishte të perandorisë. Tapeti është zbehur me kalimin e kohës.

Related posts

Si e tregojnë macet dashurinë: Çfarë do të thotë kur ato vezullojnë sytë dhe çfarë tregon bishti?

D V

Prodhohet roboti i parë gjigant për montimin e ndërtesave

Redaksia

Zgjidhet misteri i ‘vrimës së zezë’ që u identifikua përmes Google Maps në mes të oqeanit

D V

This website uses cookies to improve your experience. We'll assume you're ok with this, but you can opt-out if you wish. Accept Read More