Agjencia Zhurnal.mk.

SHBA: Rekord i viktimave nga mbidoza e drogës gjatë pandemisë

Një rekord i amerikanëve kanë vdekur nga mbidoza e drogës vitin e kaluar, teksa Shtetet e Bashkuara janë përballur me pandemi të koronavirusit, kanë treguar të dhënat zyrtare.

 

Në total, vlerësohet se 93,331 amerikanë kanë vdekur nga mbidoza më 2020 – çka përbën rritje për 30 për qind për dallim nga viti paraprak.

Ekspertët besojnë se kjo rritje tregon sa vdekjeprurëse janë bërë drogat, si dhe për ndikimin e pandemisë në shoqëri.

Kjo rritje e numrit të viktimave është thënë të jetë pasojë e përdorimit të ilaçit fentanyl.

Ky opoiod i fuqishëm sintetik besohet se është rreth 50 herë më i fuqishëm sesa heroina.

Ekspertët besojnë se ky ilaç ka “helmuar” drogat tjera, pasi shitësit e drogës nëpër rrugë, i përziejnë substancat me të, për t’i bërë më të fuqishme.

Izolimi dhe ndjenjat e vetmisë përgjatë periudhës së pandemisë, është thënë të jenë fajtorë për rritjen e numrit të vdekjeve të lidhura me drogën.

“Ky është numri më i lartë i vdekjeve nga mbidoza, që është regjistruar në periudhë 12-mujore, dhe rritja më e madhe nga viti 1999”, ka thënë drejtorja e Institutit amerikan për abuzim me drogë, Nora Volkow.

Të dhënat e prezantuara të martën kanë treguar se rreth 250 vdekje nga mbidoza janë regjistruar çdo ditë, apo 11 brenda një ore.

Related posts

Koreja e Veriut paralajmëron qytetarët se duhet të presin të hanë më pak ushqim

D V

Haiti regjistron gati 2,000 viktima si pasojë e tërmetit

Redaksia

Kina dhe Franca mbështesin multilateralizmin

Z H

This website uses cookies to improve your experience. We'll assume you're ok with this, but you can opt-out if you wish. Accept Read More