Agjencia Zhurnal.mk.

SHBA-ja e zhvendos misionin diplomatik nga Kabuli në Katar

Sekretari amerikan i Shtetit, Antony Blinken ka thënë se të gjithë diplomatët amerikanë janë larguar nga Kabuli dhe se Shtetet e Bashkuara kanë pezulluan praninë e saj diplomatike në Afganistan.

 

Deklarata e Blinken u bë disa orë pasi ushtria amerikanë njoftoi se ka përfunduar procesin e tërheqjes nga Afganistani, pas 20 vjetësh të prezencës së saj në këtë vend.

Tani, Shtetet e Bashkuara e kanë zhvendosur praninë e saj diplomatike nga Kabuli në Doha të Katarit, ku talibanët e kanë një zyrë politike.

“Ka filluar një kapitull i ri i angazhimit të Amerikës me Afganistanin”, tha Blinken më 30 gusht.

“Misioni ushtarak ka përfunduar, një mision i ri diplomatik ka filluar”, shtoi ai.

Që nga 14 gushti, Shtetet e Bashkuara dhe aleatët e tyre evakuuan më shumë se 122,000 njerëz nga Kabuli.

Blinken tha se Shtetet e Bashkuara, në bashkëpunim me aleatët dhe partnerët, do të vazhdojnë përpjekjen për të ndihmuar amerikanët, shtetasit e huaj dhe afganët në rrezik të largohen përmes transportit rrugor ose atij ajror sapo të hapet aeroporti i Kabulit.

Sipas tij, në Afganistan janë më pak se 200 qytetarë amerikanë.

Blinken tha se talibanët do të duhet të plotësojnë premtimet e tyre se do të respektojnë lirinë e udhëtimit, të mos hakmerren, pastaj të respektojnë të drejtat e njeriut dhe të grave dhe të mos lejojnë që vendi të bëhet një bazë për terrorizmin ndërkombëtar.

Ndërkohë, Shtetet e Bashkuara, sipas tij, do të vazhdojnë të ofrojnë ndihmë humanitare për Afganistanin përmes OKB -së dhe organizatave të tjera.

“Çdo veprim i joni do të bazohet jo në atë që thotë një qeveri e udhëhequr nga talibanët, por në atë që ajo bën për të përmbushur angazhimet e saj”, tha Blinken.

Talibanët po kërkojnë njohje ndërkombëtare dhe u kanë kërkuar misioneve të huaja diplomatike të qëndrojnë në vend, përfshirë Shtetet e Bashkuara dhe aleatët e saj.

Shumica e vendeve kanë mbyllur ambasadat e tyre.

Related posts

Hong-Kong, mbyllet distrikti i goditur nga virusi i COVID-19

Z H

Maria Ressa and Dimitri Muratov fitojnë Çmimin Nobel për Paqe

D V

Edhe zyrtarisht, Gjermania ka mbi 100 mijë njerëz të vdekur nga coronavirusi

D V

This website uses cookies to improve your experience. We'll assume you're ok with this, but you can opt-out if you wish. Accept Read More