Ohër, 20 korrik – Kryetari i Odës Ekonomike, Branko Azeski, në cilësinë e bashkëkryetarit të Forumit të Investimeve të Odës (FIO), nesër dhe pasnesër në Ohër do të presë anëtarët e Këshillit Drejtues të FIO-së, shoqatë e gjashtë odave ekonomike nga rajoni i Ballkanit Perëndimor.
Në kuadër të vizitës dyditore, siç njoftoi Oda Ekonomike, Këshilli Drejtues i FIO-së, krahas takimeve të punës, ku do të diskutohet për progresin në realizimin e aktiviteteve që synojnë krijimin e Tregut të Përbashkët Rajonal të Ballkanit Perëndimor, do të zhvillojë edhe disa takime pune.
Është planifikuar të mbahet një takim pune me kryeministrin Dimitar Kovaçevski dhe anëtarët e Qeverisë, në të cilin, siç thonë ata, do të ketë mundësi për avancimin e bashkëpunimit rajonal në Ballkanin Perëndimor dhe ofrimin e përgjigjeve rajonale për sfidat me të cilat ballafaqohen kompanitë e Maqedonisë.
