Agjencia Zhurnal.mk.

Seanca e sotme e Parlamentit Evropian filloi me një minutë heshtje për viktimat e aksidentit në Bullgari

Shkup, 24 nëntor – Seanca e sotme e Parlamentit Evropian filloi me një minutë heshtje në nderim të viktimave të aksidentit tragjik në Bullgari.

 

Kryetari i PE-së, David Sasoli i thirri eurodeputetët që të nderojnë viktimat dhe vlerësoi se këto janë momente të pikëllimit pas fatkeqësisë katastrofale, në të cilën ndërruan jetë 46 persona, mes të cilëve edhe shumë fëmijë.

“T’ju përcjellim porosi solidariteti familjarëve dhe të afërmve në Maqedoninë e Veriut dhe në Bullgari”, tha Sasoli.

Ndryshe, aksidenti i autobusit të RMV-së në Bullgari ku humbën jetën 46 persona dhe 7 të tjerë janë plagosur, ka tronditur mbarë vendin dhe Evropën. Hetimin po e bën Prokuroria e Bullgarisë, ndërkaq të kyçur janë edhe ekspertë nga Maqedonia e Veriut.

Ende nuk dihen arsyet dhe shkaqet që kanë shkaktuar aksidentin. Ajo që dihet, sipas udhëtarëve të mbijetuar, është që autobusi fillimisht e ka humbur kontrollin, pastaj është përplasur në bankina dhe më pas është ndjerë një shpërthim dhe për shkurt kohë i tëri është djegur.

Në mesin e viktimave ka pasur edhe 12 fëmijë, por edhe të rinj dhe më të moshuar të cilët kishin qenë në një ekskursion në Turqi me agjencinë turistike “Besa Trans Shkup”.

Për shkak aksidentit tragjik, prej dje janë shpallur tre ditë zie në RMV dhe nga një ditë në Bullgari dhe Kosovë. Telegrame ngushëllimi arrijnë nga katër anët e botës.

Related posts

Pa probleme kalon votimi i të sëmurëve, të pafuqishmëve, personave me Kovid-19 dhe të burgosurve

Redaksia

Moti sot në Maqedoninë e Veriut

Redaksia

Maqedoni, 88% e furnizimeve publike në kohë të pandemisë janë kryer me negociim pa shpallje të konkursit

D V

This website uses cookies to improve your experience. We'll assume you're ok with this, but you can opt-out if you wish. Accept Read More