Agjencia Zhurnal.mk.

Schinas: Pasardhësit e Zaevit të mbeten të përkushtuar ndaj perspektivës europiane

Shkup, 6 nëntor – Besoj se dorëheqja e fundit e Zoran Zaev nga udhëheqja e Maqedonisë së Veriut nuk i shërbeu qëllimit të stabilitetit që kërkojmë në rajon, tha nënkryetari i Komisionit Evropian, Margaritis Schinas, gjatë pjesëmarrjes së tij në “Thessaloniki Summit” dhe u bëri thirrje pasardhësve të Zaevit që të mbeten të përkushtuar ndaj perspektivës evropiane të rajonit.

 

“Unë sinqerisht shpresoj dhe përmes forumit në Selanik u bëj thirrje pasardhësve të Zoranit që të qëndrojnë fuqishëm dhe vazhdimisht të përkushtuar ndaj perspektivës evropiane të vendit të tyre dhe nevojës për fqinjësi të mirë me të gjithë fqinjët e tyre”, theksoi Schinas.

Duke folur për perspektivën evropiane të të gjitha vendeve të Ballkanit Perëndimor, ai tha se ishte “absolutisht i bindur se është një proces i pakthyeshëm, ndërsa integrimi i tyre është i përshkruar dhe i ligjshëm” dhe vuri në dukje se në asnjë rast popujt e rajonit nuk duhet të humbasin këtë bindje absolute.

Ai shtoi se “ka miq të tjerë të këtyre vendeve që po përpiqen të ofrojnë skenarë dhe perspektiva alternative gjeostrategjike”, por sipas tij, këto vende të tjera mike “nuk janë të sinqertë sa është Europa”.

Related posts

Nesër rikahëzim i komunikacionit në aksin Buçim – Radovish për shkak të asfaltimit

Redaksia

Shmid: Pres që vendi t’i zbatojë të gjitha rekomandimet e ODIHR për zgjedhjet

Z H

Komunikacioni nëpër rrugë të lagështa, në vendkalimet kufitare nuk ka ndalesa më të gjata

D V

This website uses cookies to improve your experience. We'll assume you're ok with this, but you can opt-out if you wish. Accept Read More