Shkup, 23 dhjetor – Ministria e Punëve të Brendshme gjatë ditës së djeshme ka kryer kontroll të intensifikuar aksionar në territorin e vendit për sanksionimin e automjeteve që lëvizin me shpejtësi më të madhe se shpejtësia e lejuar, me ç’rast ka sanksionuar 167 shoferë.
Siç informon MPB-ja, nga numri i përgjithshëm i sanksioneve të shqiptuara, shtatë automjete kanë lëvizur me shpejtësi mbi 50 kilometra në orë më shumë se ajo e lejuar. Kështu, 75 shoferë e kanë tejkaluar shpejtësinë në vend të banuar, kurse 92 jashtë vedit të banuar.
Nga MPB informojnë se kontrollimet e përforcuara në trafik do të vazhdojnë edhe në ditët në vijim dhe apelojnë tek qytetarët që t’i respektojnë rregullat e komunikacionit për ta rritur sigurinë në komunikacion dhe së bashku të kontribuojmë për rrugë më të sigurta”.