Shkup, 21 mars – Presim të caktohet takim i Shtabit të Përgjithshëm të Krizave, dhe nëse ai mbahet, në seancën e nesërme të Qeverisë presim të votohen rekomandimet e Komisionit për Sëmundje Ngjitëse, mes të cilave është edhe ai për heqjen e maskave të nxënësve të shkollave fillore, theksoi sot ministri i Shëndetësisë Bekim Sali.
Java epidemiologjike paraprake, shpjegoi ministri, nuk është tregues se në çfarë gjendje epidemiologjike jemi, ndërsa mbi bazë të atyre të dhënave marrim vendim për javën e ardhshme.
“Pati pika të cilat ne i miratuam si Komision, por nuk përshpejtuam me votim apo kalim si vendim i Qeverisë, sepse gjendja në javën e ardhshme na imponoi se ndoshta mund të kthehemi në gjendjen e mëparshme. Për të mos qenë joserioz, ndërsa vendimi i Qeverisë është në fuqi dhe duhet të implementohet në funksionin e përditshëm të të gjitha institucioneve asnjëherë nuk nxitojmë me atë që presim edhe javën e ardhshme si do të veprojmë, ndërsa pastaj dy vendime i kalojmë në Shtabin e krizave”, tha Sali, duke u përgjigjur në pyetjen e gazetarëve pas shënimit të fillimit të karvanit për vaksinim kundër Kovid-19 në Shuto Orizare.
Ai theksoi se dëshiron që t’i heqim maskat, megjithatë, siç shtoi, gjendja reale nuk e thotë atë.
“Çdo ditë ja nga 250 deri 300 të infektuar të rinj që do të thotë se ende nuk jemi në nivelin që e dëshirojmë. Të infektuarit e rinj i kemi tregues se ende virusi qarkullon në popullatë. Sipas të dhënave ne jemi në zonën e gjelbër, por nuk jemi ende gati t’i heqim maskat”, shtoi Sali.
